|   اخر تحديث :

«

»

طباعة خبر

  0 10751  

قصائد مهداه للرائد ” أحمد مسعد العرفي “





صحيفة ينبع اليوم – محمد سالم العرفي –

قصيدة مهداه للرائد احمد مسعد العرفي من الشاعر زيد ذعار البقمي .. و رد على القصيدة ، الشاعر صالح منصور العرفي

قصيدة الشاعر : زيد ذعار البقمي ..

الصاحب الي تفعل الطيب يمناه

فعله عن افعال النشاما يزودي

زبون من وقت المهمات ينصاه

من جاه للجزلات يرقى سنودي

حر ٍ على راس الطويلات مبداه

ايداوي اكبودٍ ويدمي كبودي

عسى الردي والاش والخبل يفداه

ويفداه غوجٍ فالمجالس هبودي

تدرون منهو ذايع الصيت والجاه

احمد ولد مسعد عريب الجدودي

لعل عودٍ للمواقيف رباه

يجيره الله من عذاب اللحودي

وماقل دل ومالقيناه قلناه

انا من اشهوده وغيري شهودي

وصلاة ربي عد مزنن نثر ماه

على لمن لدين قام الحدودي

قصيدة الشاعر : صالح منصور العرفي ..

احمد ولد شيخا عسا الخلد ماواه
شيخا على الطالات قاد الوفودي
والطيب لهل الطيب مده ومبداه ..
واهل المكارم بالمكارم تجودي
والكفو يستاهل من الكفو ماجاه
والطيب ماهو سلعة بالنقودي
ماكل من يبغاه. يازيد يلقاه
ولا كل قايد للمراجل يقودي
واحمد سلايل طيب والعود رباه
على الوفاء يبذل جميع الجهودي
وانته ولد من سار بالوقت واعطاه
على الفعول اللي تنومس صمودي
رجلا نسل قوما لهم صيتا وجاه
والعز فيهم شي ماله حدودي
صغيرهم على النواميس تلقاه
وكبيرهم من محتمين الحدودي

وصلة دائمة لهذا المحتوى : http://yanbutoday.com/archives/441956