|   اخر تحديث :

«

»

طباعة خبر

  3 1412  

قصيدة بعنوان ” رمز الفخر ” للشاعر العقيد محمد عوض العرفي





صحيفة ينبع اليوم – محمد سالم العرفي –

قصيدة نبطية في ” رمز الفخر و فخر العروبة ” كلمات : العقيد بحري ركن / محمد عوض بن عنيزان العرفي ..
#
دام الوطن بقيادة الكنق سلمان
رمز الفخر والحزم فخر العروبه
تدللي يالدار من بين الاوطان
وتفاخري في حكمته في سلوبه
خلى ملالي ايران في داخل ايران
الكل من هو قام يحسب ذنوبه
والحوثي اللي باليمن عاث طربان
يبغى النجاه وقالها اليوم توبه
يبغى الخراج وصار بالحيل ورطان
ومن الزعل والغيض بانت عيوبه
يادارنا يالعز يادار الإيمان
يامنبع الاسلام وأرض العذوبه
حنا مع القايد على مر الازمان
ومبايعته في الرخا والصعوبه
ماهمنا كلام حاسد وفتان
ولايهمنا اللي في كلامه عجوبه
على المعزه صامده فوق سيسان
ومن جوّد السيسان ماطاح طوبه
شعبك يحبك حب مغرم وولهان
واللي يمسك نوقد النار صوبه
الدم في شريان وانتي بشريان
وبين الحنايا في القلوب محجوبه
لا مايساومنا على حبك إنسان
ويفرش لك ابنك لجل ترتاح ثوبه
وصلاة ربي عد ماهلت امزان
واعداد ماهب الهواء في هبوبه
على رسول رسالته ختم الاديان
وصلوا معي في كل لحظه ونوبه

وصلة دائمة لهذا المحتوى : http://yanbutoday.com/archives/430234

3 التعليقات

  1. ابو عدي الجهني

    صح الله لسان ابو ساري محمد العرفي
    شاعر جزل من الطراز الاول
    تابعت له عدة قصايد . وأجد فيها الحس الوطني دايما موجود . لا غرابه هذا النص الشامخ المفعم بالجزاله
    ولا نستغرب ذلك وهو من بيت شعر جزل .
    بيض الله وجه ابو ساري على امتاعنا بهذا النص .

    وشكرا – ينبع اليوم –

  2. سعود الربياوي

    صح لسانك وبيض الله وجهك يابو ساري
    وانت شلعر ماعليك غبار
    وكفو

  3. سعود الربياوي

    بيض الاه وجهك وصح لسانك
    شاعر كفو

تم تعطيل التعليقات